Ola! Que fas? Me digo Silvia Cebolla, soi una mesacha zaragozana de 36 anyos muito laminera, pero amás de minchar lamins a mía gran pasión ye la lengua aragonesa y la suya difusión. Tamién m’encanta disfrutar d’os paisaches d’a nuestra tierra fendo senderismo y conoixiendo puestos y lugars amagaus. Si quiers seguir as mías aventuras per Aragón me puetz seguir en Instagram, an que publico totz os míos viaches y recomendacions. Instagram: @silvia_cebolla
Cómo has feito ”clik” en este apartau d’a web estoi que te faría goyo conoixer-me una miqueta més, asinas que si te pareix te voi a contar una más sobre a mía historia. Soi la presentadora y directora d’o que a nusatros nos fa goyo de definir como o millor programa d’o mundo en aragonés, ;) “Charrín-Charrán”, en Aragón Tv.
Pero antes de tot esto han pasau muitas cosas…dimpués de rematar o colechio estudié y me licencié en “Derecho” en a Universidat de Zaragoza. Tamientres, estudié aragonés en Nogará una escuela que ye en Zaragoza en lo barrio d’a Magdalena, lo mío barrio preferiu d’a ciudat. Tanto m’agradaba la Magadalena que quan yera rematando a carrera, con 24 anyos, decidié de montar astí una tabierna, “A Flama”. Dende 2010 dica 2017 fue socia y fundadora d’esta cooperativa vechetariana/vegana que a día de hue sigue funcionando muito bien gracias a los suyos nuevos socios y socias. Siguié estudiando en la Universidat de Zaragoza lo Máster en “Relaciones de Género” y en 2015 prencipié con lo proyecto de “A Escuchetes”, o mío canal de Youtube de recetas veganas y consellos utils en aragonés. En 2018 publiqué un libro que replega las recetas d’este canal de YouTube “A Escuches, O libro.” Y en 2019 encomencé con l’aventura de “Charrín-Charrán”.
